傾偈:đây
最後義項（自問）[編輯]
可能有啲人唔係好get呢個自問嘅涵意。đây呢個詞基本意思係「此時此地」，佢嘅立足關注係當下，呢個當下換言之係有個觀察者體察緊當下，即係「我」，所以呢度有第二個義項；對當下嘅體察，意味住具體性，呢個係第三個義項；最後就係，面對過於豐富嘅具體存在，而覺得現實難以入手，或者講現實難以超越（現實所相對嘅係理想，向理想邁進係人嘅超越性規定），所以彷徨疑惑。呢度可能有啲哲學意味，引個現代西方哲學中嘅存在主義，德文哲學中對「人」有個專門術語叫Dasein，中文學界翻譯爲「此在」（熊偉譯做「親在」，張祥龍譯做「緣在」），與之孖拖嘅係das Sein，中文譯爲「存在」。呢個da有三重結構：現身嘅情態，籌劃嘅領會，沉淪。Dasein意味住，人要親自喺當下在場，同時呢種在場性會帶來疑惑，叫做「何以能存在」。此在嘅與衆不同在於，佢存在喺存在論嘅層面上——領會到存在係佢自身嘅存在規定。一句講晒就係「我在，我思」，思嘅表現爲自問。--S7w4j9 (傾偈) 2019年2月5號 (二) 18:54 (UTC)