附錄:術語一覽

來自維基辭典

呢版係用來記低喺辭條裏邊用嘅術語。關於喺維基辭典其他地方用到嘅字眼,請去維基辭典:術語一覽

三劃[編輯]

工具格
喺格語法當中,表示實現行為用到嘅工具或手段嘅名詞所體現嘅格[1]

四劃[編輯]

元音
發音嘅時候氣流通道暢通嘅語音。
分離代詞
喺拉丁語族語言當中,孤立使用或者擺喺介詞後面,表示強調嘅人稱代詞。

五劃[編輯]

主格
傳統語法當中指喺屈折語言當中作為句子主語嗰個名詞所體現嘅格[1],通常對應「執行者」同「體驗者」爾兩個主題關係其中一個。大部份辭典以主格作為名詞嘅辭條形式。
主題關係
喺轉換生成語法當中,指一個詞喺一定嘅語境裏面同其他詞形成嘅概念關係[1]。又叫做「語義關係」。

八劃[編輯]

呼格
喺屈折語言當中嘅呼語所體現嘅格[1]
呼語
稱呼聽話人,一般自成語調單位嘅名詞短語[1]
受格
喺格語法當中,表示喺屈折語言當中受動作或狀態影響嘅人/動物名詞體現嘅格[1]。可以對應嘅主題關係有「承受者」同「體驗者」。

九劃[編輯]

前置格
喺一啲屈折語言當中,表示依附於介詞嘅名詞體現嘅格。

十一劃[編輯]

第一人稱
一種人稱,用來表示講話人自己或者自己所屬嘅一班人,包括有或者我等。語言學有時會進一步細分「包括聽話人嘅第一人稱複數」同「唔包括聽話人嘅第一人稱複數」。
第二人稱
一種人稱,用來表示聽話話人或者聽話話所屬嘅一班人,例子有或者你等
第三人稱
一種人稱,用來表示既唔係講話人又唔係聽話人嘅人,包括同埋佢等

十三劃[編輯]

與格
喺屈折語言當中,作為動詞間接賓語嗰個名詞所體現嘅格[1]。通常對應「接收者」主題關係。
補語化成份標誌
指喺某種語言裡邊指示補語(通常係從句)開始嘅成份。

十四劃[編輯]

輔音
發音器官某一部份形成阻礙,令到爾部份有一定程度嘅緊張,並由較強氣流克服障礙形成嘅語音。
語義關係
見「主題關係」。
賓格
喺屈折語言當中,作為動詞直接賓語嗰個名詞所體現嘅格[1]。可以對應嘅主題關係有「承受者」同「主題」。又稱「對格」。

十九劃[編輯]

離格
喺屈折語言當中,表示地點、工具、分離、原因等嘅名詞/代詞所體現嘅格[1]

二十三劃[編輯]

變位
指動詞根據人稱、數、性、時態、體、式等嘅不同而產生嘅詞形變化。
變格
指名詞、代詞、冠詞、形容詞等喺句子裏面為了體現特定嘅語法功能而產生嘅詞形變化。

註解同參考[編輯]

參考[編輯]

  1. 1.0 1.1 1.2 1.3 1.4 1.5 1.6 1.7 1.8 《英漢語言學辭典》,勞允棟編,商務印書館(北京),2004年版。ISBN 7-100-00927-8/H∙322。