跳去內容

維基辭典:申請做管理員/Cedric tsan cantonais

加新連結
來自維基辭典

以下嘅討論係一個未能成功申請做管理員嘅歸檔。請唔好再改呢版。

(0/1/0)；結束時間：2018年11月19號 05:48 (UTC)

用戶版（討論|本地貢獻|菢蛋機貢獻）

投票

[編輯]

支持

[編輯]

反對

[編輯]
  1. OPPOSE 理由：
  • 閣下可以自己去我喺菢蛋機嘅操作記錄，睇下我係唔係真係「能否持平履行職務成疑」。
  • 話我無跟法維規矩做事，係因為粵維嘅做法係援引英維嘅規則。我喺法維係完全跟法維規矩做事嘅，就算有時犯錯，人等一指出我都會進行更正。
  • 我提議援引法維規矩，第一，係因為我真心認為法維規矩好過英維規矩好多，第二，係僅限於「未有本地規則」嘅情況下。閣下如果想建立本地規則嘅話，大可以擺出草案，大家三口六面拆掂佢。
  • 提出修訂現行規則係每個維基人都有嘅權利，反對修例嘅人一樣可以將啲論點論據論證擺出來，大家三口六面拆掂佢。用「經常提出修例」作為反對嘅理由，等於對其他維基人發出徂「槍打出頭鳥」「無所事事嘅管理員就係最好嘅管理員」爾種錯誤嘅信息。再講，學閣下恁樣強烈要求維持現狀，又何嘗唔係「有強烈嘅個人立場」呢？
  • 我喺英維被人封鎖，純粹係因為我要求某人就誣告我「無正當理由鏟走百科內容」（簡稱blanking）道歉，結果遭到另一個用戶發動維基凌遲（即係證據證明我根本無blanking到任何嘢都要求封我）。由於英維嘅做法係祇要多數人要求封就封，完全唔睇證據到底成唔成立，所以啲管理員就一於多一事不如少一事。Cedric tsan cantonais (傾偈) 2018年11月18號 (日) 19:41 (UTC)[回覆]
          • 所以呢位候選人係唔明點解俾人封鎖，仲要禁埋talk page修改權咯。點解？因為個古仔根本唔係噉。
          • （以下每一樣都可以擺鏈，不過太多我而家懶得擺，有人要求嘅話我先去挖出來。）件事實際係噉：
          • 嗰年3月，候選人喺enwp，因為幾件事，俾人要求封鎖：1. 喺編輯摘要濫用變音符號diacritics，俾人警告都係繼續 2. 粗俗無禮，攻擊IP用戶（好似又係警告過） 3. 攻擊IP人仲要係攻擊錯，往往只係無傷大雅嘅隨機錯誤，就俾候選人當成係特登破壞。結果係4月，候選人選擇自願隱退，如有再犯直接封禁。
          • 隱退冇耐，7月，候選人恢復喺enwp改嘢。到12月，上述問題又來。到呢度都未封鎖嘅，雖然已經違反咗自願隱退條件。並且糾纏，指責另一位用戶（簡稱WG）誣告佢blank page。實情係，候選人將IP人編輯打回頭，話係疑似破壞（又用diacritcs），WG用twinkle出咗個罐頭警告，警告佢唔好「remove or blank page contents」。
          • 佢上邊個古仔又好，之前喺yuewp喊冤都好，就淨係會講人哋話佢blanking。
          • 完全唔提：1. 自己已經違反自願隱退條件 2. 人哋個警告係twinkle出，係基於removal of content，警告內文亦寫清楚係remove or blank，唔係話佢blank 3. 俾enwp重複警告過而屢犯。
          • 佢到今時今日都唔明成件事，而反複講返自己嘅版本。點樣指意呢個候選人可以持平履行職務？
          • This candidate's failure to understand why he was blocked on English Wikipedia is an illustration of his inability to carry out admin tasks out of good faith. Test wiki adminship is temporary, but this is not. I have no faith in this candidate because his records on enwp and other wiki projects show his tendency to engage in disruptive editing when the existing wikipedia rules and procedures do not match his personal wishes. An admin is expected to carry out duties based on established rules and consensus instead of his own agenda.--Roy17 (傾偈) 2018年11月18號 (日) 21:02 (UTC)[回覆]
          • 再講呢位候選人鍾意提出按佢要求改維基規矩，包括但不限於：1. 要求禁止全部IP人編輯 2. 喺enwp俾人警告濫用diacritics之後反複提出要改。呢個亦係佢俾人封鎖之後再禁止修改talk page嘅原因之一。3. 喺enwp俾人封咗，就喺yuewp提唔跟英文改跟法文規矩。4. 喺zhwp，改某d譯名不成，就要求改關於譯名嘅規則。5. 來到呢度，就早幾個禮拜，又提跟法文唔跟英文，所提理據又係基於喺第個wiki project唔順意，就喺處要求改規矩，而根本唔理自己提嘅嘢係咪有關。
          • 我個人點係唔關呢一次RfA事。候選人不斷提出修改規則亦係可以。但問題係候選人嘅主張，次次都係唔順己意就提，提出來又冇人和議（我印像中係無一通過，zhwp嗰項有冇唔係好記得）。冇人同意嘅嘢佢都懶理繼續一意孤行。
          • 都未講處事粗疏。成日將人哋嘅編輯打回頭，係亂來。就11月都起碼3鑊。zh:w:special:diff/51975720 zh:w:special:diff/52065790 w:special:diff/1237671
          • 仲有維基寫作水平差。留低手尾五六年都唔理。又譬如頭版就開錯咗namespace。呢位候選人究竟識唔識嘎？（咪搬版啊！等人哋灌返incubator個頭版過來。）--Roy17 (傾偈) 2018年11月18號 (日) 21:02 (UTC)[回覆]
本來我係唔接觸、唔回應嗰誣告我嘅人嘅，但係你既然憎我憎到好似我燒徂你間祠堂恁，雖然我知道你係攈緊機會再釣我一次魚，再笑我一次「傻人有傻福」，我都不妨最後回應一次：
  • 如果我真係你口中嗰種戀棧權力嘅尼祿，你估我唔會喺你第一次投反對票嗰陣，就狗急跳牆恁封你一世咩？我有無恁做先？
  • 原來喺你嘅眼中，只要係我打回頭，就無論如何都係十惡不赦嘅大罪，就算我再有正當理由都係十惡不赦嘅大罪。
  • 開錯namespace嘅嗰個人根本唔係我，而係另一位用戶（不過欲加之罪何患無辭呢？）。
  • 你引用嗰次罐頭警告針對嘅根本唔係將IP人編輯打回頭嗰次編輯，而係較早前我另一次鏟走錯誤內容嘅編輯（而後來事情嘅發展亦都證明徂我鏟走嘅內容的確係錯嘅）。更重要嘅係，我結束隱退之後根本未攻擊過任何人（除非你再來一舖上綱上線，將我反擊誣告者嘅言論定性為人身攻擊）。
  • 至於「喺enwp俾人警告濫用diacritics之後反複提出要改。呢個亦係佢俾人封鎖之後再禁止修改talk page嘅原因之一」更加係錯到離行離捺。被封禁期間根本上唔到城市論壇，自然無可能提得出任何修正案。我被人禁止修改talk page，純粹係因為我一直拒絕保證「永遠放棄要求平反」。你咁鍾意挖澌我祖宗十八代啲蘇州史出來曬，你大可以自己去我talk page嗰道睇，每個管理員嘅態度都係「我理⬛︎得你係唔係被人砌生豬肉嗟？只要大家都投票要封你，你就渣都無得剩」。
  • 你「印像中係無一通過」，係因為你喺粵維百科同辭典嘅時間都無我咁耐，睇唔到我當年點樣爭取到粵維唔再自動將廣東粵語當中同香港粵語唔同嘅用辭自動當做清掃對象，更睇唔到我點樣一手一腳建立起粵維辭典嘅編輯凡例。
唔怕老實同你講：我咁主張援引法維規則重有個好重要嘅原因：就係要阻止英維嘅「反擊右傾翻案風」文化傳播到來粵維辭典，等第日再有人被人誣告嗰陣，受害者唔會再因為大多數人投票要求封佢就被管理員封。
不過既然你都憎我憎到咁入骨，憎到如鯁在喉，芒刺在背，欲殺我而後快咯，我繼續申請落去都無乜意義。 我宣佈撤回申請。【粵語文學大使殘陽孤侠】粵維辭典起錨！ 2018年11月19號 (一) 05:47 (UTC)[回覆]

中立

[編輯]

總結

[編輯]

用戶撤回申請--Hello903hello (傾偈) 2018年11月19號 (一) 08:03 (UTC)[回覆]

由「https://yue.wiktionary.org/w/index.php?title=維基辭典:申請做管理員/Cedric_tsan_cantonais&oldid=9132」收