推敲
粵語[編輯]
發音[編輯]
廣州音：
寫法[編輯]
含義[編輯]
形容反覆思考。典故來自唐朝：唐朝詩人賈島有一次諗緊佢嗰首《題李凝幽居》裡邊嘅「鳥宿池中樹，僧推月下門」裡邊個「推」字應唔應該改成「敲」字，騎喺佢隻驢上邊一邊做推同敲嘅手勢一邊諗。點知佢諗得太入神，隻驢一個唔覺意撞徂入當時做京兆尹（首都市長）嘅韓愈支儀仗隊入邊，被韓愈嘅隨從捉徂去見韓愈。韓愈問賈島點解咁失魂，賈島就將自己諗緊嘅問題同韓愈一五一十恁講徂。韓愈自己都係文人，聽完之後唔單止無嬲，反而同賈島一齊思考用焉個字好。韓愈認為：「推」字得動作無聲音，而「敲」字又有動作又有聲音，襯托得出當時夜深人靜嘅氛圍，所以用「敲」字好。後來韓愈同賈島重因此成為徂老友。《詩話總龜∙前集∙卷十一》裡邊記載徂爾個典故：「賈島初赴舉，在京師。一日於驢上得句雲：「鳥宿池中樹，僧敲月下門。」又欲推字，煉之未定，於驢上吟哦，引手作推敲之勢。觀者訝之。時韓退之權京兆尹，車騎方出，島不覺行至第三節，尚為手勢未已。俄為左右擁至尹前。島具對所得詩句推字與敲字未定，神遊象外，不知迴避。退之立馬久之，謂島曰：「敲字佳。」遂並轡而歸，共論詩道，留連累日，因與島為布衣之交。」