傾偈:

頁面內容唔支援其他語言。
來自維基辭典

粵語特有義項[編輯]

低喺粵語有個虛詞用法,跟喺動詞後,比如:寫低,記低,嘜低。你哋覺得我哋要點樣描述呢個虛詞語法嘅意義/含義?個人初步領會:諸如打低某人、踢低唔理、做低某事,都有用動作令某物「倒下、伏倒、冧、瞓」嘅意象,但只係個意象,「寫低呢啲話」並冇令話語真係「倒下」。所以各位覺得呢個意味要點表述?--S7w4j9 (傾偈) 2019年2月9號 (六) 16:51 (UTC)[回覆]

我惗惗吓,覺得個意味可以表述爲「留下、遺留」?記低件事就係遺留印象、或遺留資訊,寫低啲字就係遺留文字。--S7w4j9 (傾偈) 2019年2月9號 (六) 16:55 (UTC)[回覆]
我嘅初步諗法係:
  • 「寫低、記低、mark低⋯⋯」個「低」同「打低某人」個「低應該分開兩個義項」。
  • 「寫低、記低、mark低⋯⋯」個「低」似乎都表明主動詞「寫、記、mark⋯⋯」分別有一個主題同一個承受者(詳見主題關係),而爾個承受者可以以補語形式出現,亦可以通過上下文推斷。與此相比,「打低、做低、砌低⋯⋯」個「低」就只有一個承受者。例如:
  • 「寫低啲嘢(喺張紙上面)」,主題係「啲嘢」,因為「啲嘢」唔會淨係因為被人寫低而改變;承受者係「紙」,因為寫低徂啲嘢,張紙就發生徂變化(紙上面多徂一樣嘢)。
  • 「記低啲嘢(喺個腦裏面)」,主題係「啲嘢」,因為「啲嘢」唔會淨係因為被人記低而改變;承受者係「腦」,因為記低徂啲嘢,個腦就發生徂變化(記多徂樣嘢)。
點睇?【粵語文學大使殘陽孤侠粵維辭典起錨! 2019年2月9號 (六) 21:39 (UTC)[回覆]
我惗可以。用普通話表達,佢呢個虛詞劈成兩個,有主題嗰個叫「下」(寫下、記下),得承受者嘅叫「倒」(打倒,幹倒)。--S7w4j9 (傾偈) 2019年2月10號 (日) 12:33 (UTC)[回覆]